波波驗小便(上)
熱5已有 73 次閱讀 2010-02-04 00:50距離上次波波驗血, 終於都過左三個星期喇!
一早同波波留左小便, 係診所開診第一時間送到,
姑娘話醫生未返, 等醫生返黎驗左call我,
好快就有結果!
跟住自己就返工, 個心就好掛住呢件事!
究竟今次個結果會係點呢?整個上午都無電話,
到左下午三點幾, 忍唔住call番去, 點知佢地話未驗!
真係好奇怪, 驗小便係好簡單既化驗, 點解要咁耐呢?
我問佢小便放咁耐會有變化喎, 佢地答話已經處理過!
好啦, 咁我繼續等!!!
一路到我放工返到屋企, 仍然無call, 咁我再打電話過去,
佢地話未驗, 不過醫生走之前會做左先走, 到時會call我!!
又繼續等, 足足等左12個鐘, 有電話到喇, 但聽到我好懷疑!
以下係我地既對話:
"今次驗尿既結果, 醫生話唔駛食藥住,
遲D再驗多次會好D"
" 咁醫生上次話主要睇有無蛋白, 咁有無?'
" 無, 不過有D細胞, 要小心個腎"
" 係乜野細胞?"
"有D細胞囉, 唔駛食藥住"
咁究竟係點? 乜野叫有D細胞? 有乜野細胞要小心個腎?
人驗小便都好多時有D細胞架啦, 咁又同小心個腎
有乜野關係? 我開始懷疑佢地係咪忘記左驗, 又唔敢講!
我話咁唔該幫我copy番份report, 我今日會去拎番!
我想睇下究竟係點!
今日去到, 佢地話:
"醫生唔係度, 份報告未做好,"
"琴日講左今日會黎拎, 點解未有? "
"聽電話果個姑娘無做喇, 我地唔知! "
"份report應該save左落個電腦度, 唔該依家print
番份比我啦! "
"唔得架, 聽日再黎拎啦!"
究竟係乜野事, 我對份報告無晒信心囉!
如果太忙忘記左做, 應該坦白講, 雖然會唔開心,
但都好過依家咁, 我根本唔信份報告!
我好辛苦先搵到個醫生, 以為可以信賴, 點知....
希望係自己諗多左! 希望唔關個醫生事!
希望佢地唔會作個報告出黎!
希望波波無事!
聽日我會拎波波既小便去第二度再驗過做個對比,
我要決定日後會唔會再睇呢個醫生,
唔可以將狗狗既健康做兒戲!
發表評論 評論 (8 個評論)
波波驗咩？係唔係用試紙驗？
真係有事會延誤左個病情, 所以我要去第二度再驗過!
波波驗咩？係唔係用試紙驗？
佢上次同我講話睇下尿中有無protein, 我諗係驗urine routine囉!
佢上次同我講話睇下尿中有無protein, 我諗係驗urine routine囉!
我係你我都以後唔會再搵佢睇
最後佢有無再回覆你？
我係你我都以後唔會再搵佢睇
最後佢有無再回覆你？
唔知係醫生定姑娘疏忽左,
算啦! 最緊要波波無事,
同埋都唔知邊個醫生好!
呢個醫生算係好耐心, 唔錯架喇, 唉!!